1. لما نادي يتأخر في صرف مستحقات لاعب لمدة موسمين.. يبقى أنت أكيد في مصر!.
2. لما يتم تعديل لوائح لمجرد مصلحة بعض الأشخاص.. يبقى أنت أكيد في مصر!.
3. لما إعلامي يهاجم شخص اليوم ويشيد بنفس الشخص غداً.. يبقى أنت أكيد في مصر!.
4. لما من 1990 حتى الآن لم ندرس لماذا لم نتأهل لكأس العالم.. يبقى أنت أكيد في مصر!.
5. لما شادي محمد يقدم برنامج تليفزيوني، لا وكمان لسة بيلعب.. يبقى أنت أكيد في مصر!.
6. لما يكون مسؤولين عن إدارة كرة القدم يسيرون بدون خطة.. يبقى أنت أكيد في مصر!.
7. لما لاعب يتألق في الاحتراف الخارجي ونتوقع انتقاله لأكبر الأندية ويرجع لبلده.. يبقى أنت أكيد في مصر!.
8. لما يكون الاتحادين الأفريقي والدولي شددا على ضرورة إقامة دوري المحترفين الموسم المقبل 2013- 2014، وحتى الآن الأهلي فقط من تقدم بأوراقه .. يبقى أنت أكيد في مصر!.
9. لما مجموعة ألتراس أهلاوي قالت سنحترم الحكم في قضية مجزرة بورسعيد أياً كان، وبعد النطق به أشعلت النيران في اتحاد الكرة وغيره.. يبقى أنت أكيد في مصر!.
10. لما بين يوم وليلة اللي كان بيقول على شريف إكرامي حارس "ملوش فيها" يقول ده حارس هااااايل.. يبقى أنت أكيد في مصر!.
سقط سهواً: "لما تشوف الكلام ده وتحس أنك شوفته قبل كدة أو قريته أو حتى مستغرب أنه بيحصل.. يبقى أنت أكيد مصري!".
